مين يسايرني بعدكم يمه؟!!

[broken girl]

بسم الله الرحمن الرحيم
يمكن هذي اول مشاركه لي في القصص هذي قصه مكونه من اربع عشر جزء وكل جزء فيه اكثر من فقره بس مره حلوه وتراها انا الي كاتبتها والقصه من خيالي نبدا القصه



تعريف بالابطال:
لمياء:بطله القصه وهي عمرها تقريبا 17سنه مره حلوه مؤدبه مره (شعرها اسود لما نص ظهرها,عيونها عسليه وكبيره,خشمها صغير ومره حلو,طويله طولها170وجسمهازين
سعود:جد لمياء هو الي مربيها تقريبا جدها من امها
غاده:صديقة لمياء مره عشره عمر هي وياها لمياء كل شي تحكيه لها
فهد:ابو لمياء متزوج بعد وفاة ام لمياء ب 6شهور




الجزء الاول:
الساعه 6ونص يرن الارم(منبه)جوال لمياء للمدرسه
لمياء:افففففففففف يوووو (واتسكر الالارم)
بعد تقريبا ثلاثة ساعات
ماري:lamia lamia
لمياء:اففف نعم؟!!
ماري:lamia you wiil not go to school
لمياء:لا
واطلعت الخدامه من الخرفه الي كانت جايه على اساس اتنظفها
بعد نص ساعه
سعود:ماري ماري
ماريyes sir
سعود:bring my breakfast
okماري sir but sir lamia doesn't go to school
سعود:why?
ماري:idon't know
سعودok ok
وراح الجد لغرفه لمياء ويدق الباب
سعود:لمياء لمياء
مافيه احد يرد
سعود:لمياء لمياء لمياء
واستمر ينادي تقريبا عشر دقايق بعدين دخل الغرفه
الغرفه فاضيه مافيها احد السرير مو موجود عليه احد لمياء؟!!وينها نعرف بالفقره الثانيه انشاء الله










الفقره الثانيه من الجزء1:
ظل جدها يدورها هو وكل الخدم الي في البيت لا حياة لمن تنادي جت ببال سعود (يمكنها راحت المدرسه وميري ماعندها سالفه؟)راح يسال سواقها مالقاه ولا السياره الجد بينجن دق عليها ماترد الا ويسمع صوت جوالها بغرفتها(لاهي ووجهها مااخذته)دق عالسواق
السواق:هلا عمي
سعود:عبد المجيد وينك؟
السواق:ياعمي انا قالت لي عمتي لمياء اروح اجيب لها فطووور
سعود:فطور؟؟!!
سواق:ايه ياعمي وانا الحين بالطريق راجع للبيت
سكر سعود الجوال وهو معصب وين راحت البنت؟
وجت جين (الخدامه)
جين:sir lamia in the garden
وراح سعود للمياء لقاها تكلم
سعود:لمياء
لمياء:سم يبه
سعود:وراك متكيسله اليوم؟
لمياء:انا؟!!ليه؟
سعود:وراك مارحتي للمدرسه؟
لمياء:ههههههههههههههههههه يبه اليوم الخميس بسم الله على حياتك بادي تنسى
سعود:هههههههههه الله يقطع هالخدامه هي الي جننتني جت قالت انك مارضيتي تروحين خفت انك مريضه ومالقيتك
لمياء:ههه لا بس غسلت ولبست ونزلت
سعود:الله لا يحرمني منك يالي ماليه حياتي
لمياء:ولا منك يااحلى ابو
وراح الجد يفطر جوا ولمياء جالسه برا تنتظر الفطور الي بيجيبه عبد المجيد
المهم جاب الفطور وافطرت و راحت تلبس لانها مواعده صاحباتها في المملكه
راحت لمياء قالت لجدها والبست وراحت وهي بالسياره رن جوالها
لمياء:هلا جواهر
جواهر:وينك تاخرتي؟
لمياء:انا بالطريق هذاني بطريق الملك عبد الله قربت
جواهر:يلا نستناك
وراحت لمياء ودقت عليهم تشوف وينهم؟لقتهم بستار بكس
وراحت لقت فيه (خلود,جواهر,ريم,نوره,نوف)
خلود:هلاااااااااااااااا بلمو
لمياء:هلا كيفك؟
خلود:والله عايشه
وبدت تسلم عالبنات
فجاه دق موبايل نوره هي مرررره ارتبكت ماتعرف ايش تقول البنات كلهم علامه((؟))على اوجيههم مين الي داق على نوره وارتبكت بهالشكل نعرف بالفقره الثالثه









الفقره الثالثه من الجزء الاول:
نوره:عن اذنكم بنات بروح اشوف لي غرض يقولون ساكس منزل بضاعه جديده
(طبعا هم ملاقيف عارفون انو لاتبي تشتري ولا شي )
ريم:صدق عاد انا من زمااان وانا ادور ملابس سهره وعندنا مناسبه الخميس الجاي خلاص استنيني انا بجي معاك
نوره(ودها تصفقها وش ذي النشبه):يالله
وراحوا البنات
نوف:حجرتها ريم تعجبني تستاهل
لمياء:حرام عليك يااختي خصوصيات بعدين ريم مالها داعي راحت معاها
جواهر:يمكن البوي فرند جاي يشوفها هههه
لمياء:لا حرام نوره ماعليها هالحركات
نوف:ياحبيبت ماتدرين عنها
لمياء:المهم اتركونا منها ماتبون نروح نتغدى؟
جواهر:الا والله انا مشتهيه اكل لبناني
نوف:خلاص خل نروح الريف اللبناني
جواهر:لا وع برج الحمام احلى
لمياء:بس جلساته تجيب المرض رحتوا عبد الوهاب؟
جواهر ونوف:لا
لمياء:كل البنات يقولون جلسته حلوه تبون نروح؟
جواهر:يلا وش عندنا كلمي البنات يجون
ودقت لمياء على نوره وقالت لهم تعالوا وجوا
ووافقوا البنات وراحوا جواهر ونوره بسيارة جواهر ولمياء ونوف وريم بسياره لمياء
المهم سواق جواهر جديد ومايدل وجواهر حتى بيتهم ماتدله نوره تدل بس مااعرفت مكانه بالظبط المهم صاروا البنات يدورون ويدورون المهم تقريبا داروا التحليه 5مرات تقريبا ونوره وجواهر جوالاتهم مفصوله يعني ام الحاله ولماء وصلوا واستنوا واستنوا
نوف:شكلهم ماعندهم نيه يجون خلينا نطلب علبال مايجون
ريم:يمكن نوره اعترفت لجواهر باللي عالموبايل ههههه وراحوا يشوفونه
لمياء:هههه حرام عليك المهم ترا انا جوعانه خل نطلب(وماجا ببال البنات انهم يدقون على جواهر او نوره)
صار لجواهر ونوره تقريبا ساعتين وهم يدورون حمت كبودهم من الشمس
جواهر:اقول نوره وش رايك ننزل اي مطعم او قهوه ونطلب تيليفون
نوره:لا فشله
جواهر:اجل تبينا ندور كذا ؟
نوره:يالله اقول خلينا نروح للمياء في بيتها وندق عليهم من هناك ونقول لهم يجون
جواهر:يلا
(مع العلم انو بيت لمياء كان اقرب بيت فعلشان كذا راحوا ونوره كانت متاكذه انو مافيه احد الا الخدامات بسبب المكالمه الي جتها) ايش قصة المكالمه ومين الي كلمها نعرف بالفقره الجايه









الفقره الرابعه من الجزء الاول:
لمياء:يالله بطني انتفخ شبعاااااااااااااااااانه اكلهم مره يشبع
نوف:ايه الحمد لله اتوقع اني سمنت 5كيلو
ريم:لا انشالله انا توني ناحفه كيلويين باقي لي كيلوا واصير بالاربعينات(ريم مره مجننها الوزن تبي تصير جسمها زي عارضات الازياء وكل همها الدايت)
لمياء:ايه على فكره يا ريم بما انك مابقى دايت الا وسويتيه زين دايت حاطوم؟
ريم:الصراحه هو حلو انو فيه ايش كريم وكت كات وخرابيط بس انا مانحفت عليه
لمياء:يالله صاحبتي غاده تبي تسوي دايت بس محتاره ايش احسن شي
ريم:شوفي تعرفين رندا الي في الهجن؟
لمياء:ايه
ريم:هذا لا تفكر تروح لها مشروع تمويت مو مشروع تنحيف هذي مره تموتك جوع الصراحه انا مااعجبتني
لمياء:ههههههههههه طيب ايش احسن شي؟
ريم:اقول اقولك بعدين اخاف الي يقرون القصه يحسبونا نسوي دعايات
لمياء:هههههههه اوك ارسليلي مسج
نوف:المهم فكونا من الدايت مالاحظتوا انو البنات لسا ماجوا؟
لمياء:تلقين ام جواهر دقت عليها وارجعت البيت تعرفين امها شديده
ريم:طيب اطلبوا الحساب نبي نروح مليت
واطلبوا الحساب البنات واطلعوا
لمياء:بنات تروحون معاي البيت؟
نوف:لا يااختي انا استحي من جدك اتقطع اذا سمعت صوته
لمياء:هههههههه قلتيها جدي يعني شايبمو مناظرك
ريم:وماعمره شافك اصلا
نوف:المهم خلاص خلينا نروح
وراحوا لبيت لمياء وهم عند الباب
لمياء:بنات مو هذي سيارة جواهر؟
ريم:الصراحه انا مااعرف لوحتهم
وادخلوا البنات البيت
نوره وهي واقفه قدام الباب توهم داخلين هي وجواهر
نوره:مشالله عليكم بلعتوا؟
لمياء:ايه الحمد لله (واتاشر على بطنها)ماتشوفينه منتفخ هههههههه
نوره:سم وجع وانا وجواهر ندور في ذي الشمس ندور المطعم
لمياء:تستاهلون هههههههههه
يتبع في الفقره الخامسه








الفقره الخامسه والاخيره من الجزء الاول:
نوره:هين يالميوه انا اوريك جواهر جواهر
جواهر:هلا
نوره:امشي خلينا نروح نتغدى
جواهر:مو الحين خليها شوي بعد ساعتين كذا شبعانه يختي
نوره وهي معصبه:شبعانه من وشو من الذبيحه الي ماكلتها ؟
جواهر:لا جد نوره توني متقهويه ماتهظمت القهوه ماصار لنا 4ساعات من اتقهوينا(جواهر مره نحيفه ومستحيل تاكل)
نوره:كيفك انا بروح اكل
جواهر:هههههههه طيب كلمي سواقك يجي ياخذك هههههه
لمياء:ياعمري صح نسينا انك جايه مع جواهر
نوره:عاد امي الي بتقول امري تدللي وبعد ثانيه يجي السواق
لمياء:خلاص نوني انا اقول لجوزيف يسوي لك الي تبينه
نوره:طيب تراني بس هالمره برضى
دقت لمياء على طباخهم
ريم:لمياء عندكم ميزان؟
لمياء:ههههههه ليه تحسين انك سامنه عن الظهر؟
ريم:تتريقين انت ووجهك؟
لمياء:لا ماعاش من يتريق عليك ههههه الميززان شوفيه في حمامي(اكرمكم الله)
وراحت ريم لغرفه لمياء وقاست وزنها اطلعت تبكي
ريم:بنات تخيلوا زدت 30جرام
نوف:هههههه روحي امشي في حوشهم علشان تخسرينهم
ريم:لمياءعندك تيني شوز(جزمة رياضه)
لمياء:ايه شوفي كل جزمي في غرفة ملابسي في درج الجزم
وراحت ريم كانها ماصدقت خبر نوف كانت الفكره بس استهزاء
لمياء:بنات ايش رايكم نسوي حفلة طق؟
جواهر:ايه والله انا من زمان مشتهيه بس انا مااقدر احطها في بيتنا اصدقاء اخواني 24ساعه عندنا
نوف:عاد اعملوها عندي
لمياء:لاياختي انتي امك دينه واخاف تتظايق(ام نوف ملتزمه بس موقادره على نوف يعني امها دينه بس نوف لا )خلوها عندي انا جدي بعد الاسبوع الجاي بيخيم هو واصدقائه وما يدري محتار ماوده يتركني لحالي انا اقنعه وانسويها
نوره:اقول لمياء وين الغداء؟
لمياء:هذا وقتك انت وبعدين ماصار لنا ربع ساعه قايلين له وانت مشالله عليك طالبه بوفيه ههه
نوف:لمو طيب مين نعزم اذا بنسويها الاسبوع الجاي مايمدينا يعني يبيلنا من اليوم نجهز
لمياء:انا اليوم اكلم جدي وبكرا نكلم الطقاقه ونسوي الكروت ونكتب لستة البنات
جاء الغداء وراحت نوره تاكل وجواهر بس جواهر كانت بس شكل عالطاوله مااكلت الا ملعقتين سلطة
يتبع في الجزء القادم

[عنب توت]

يسلمووووووووووووووووووووو بروكين عنوني وننتظر البااااااااااااااااااقي ..........وهلابك بمنتداك...............تحياتي





................,,,,,,,,,,,,,,,, best wishes ,,,,,,,,,,,,,,,.....................

[رزه بس دجه]

قصه روووووووووووووووووووووووووعه ننتظر الباقي

[ساره بنت أبوها]

قصــه حلوووه

بروكين ننتظر الباقي

<<<< عجبتها القصــه ومتحمسه

[broken girl]

الجزء الثاني:
لمياء:عبير وشلتها يعني 5بنات
ريم:لا وع مانبيهم هم مااعزمونا يوم بيرث داي غيداء
نوف:لا حرام بيرث داي غيداء كان صغير
ريم:طيب ومين غيرهم
نوف:اسيل واختها
لمياء:وهيفاء واريج
جلسوا البنات يعدون البنات والبالاخير صاروا المعازيم 295بنت
نوره:لمياء اسلي جوزيف كيف طريقة الصوص حق السبينق رول
لمياء:هههه تخيلي اقوله اخاف يفكرني تسنعت وابطبخ لا ياحبيبتي انت اساليه ترا رقمه 70دقي انت انا ماانزل مستواي
جواهر:يالله اكلكم مره دسم يالمياء
نوف:هذا وجهي اذا كنتي ذقتيه اصلا
نوف و ريم ولمياء ونوره:ههههههههههههههههه
نوره:لا بس جالسه تتاملني وانا اكل بس حطت سلطه بعد مااكلت الا ملعقتين
لمياء:مو شي جديد هههههه
وجلسوا البنات يفكرون باشكال الكروت والاكل والديكور لما راحوا البنات لبيوتهم الساعه 11-12
راحت لمياء لغرفتها وحطت راسها عالمخده جلست تفكر وتتذكر امها وابوها كيف ابوها ماهمه وفاة امها ولا حتى فكر فيها تزوج وحده ماهمها الا تجميع الفلوس وشكلها وتكشخها كيف من اول ماراح ابوها يخطب اشرطت عليه انها ماتسكن بنته معاهم وكيف جدها اخذها ورباها وهي توها صغيره ماكانت تتعدى ال10سنين وكيف كانت الخلافات الي بين ابوها وامها قبل وفاة امها اصلا مبين انو ابوها ماحب امها كان متزوجها بس لانها ماناقصها شي كانت جميله واخلاقها الكل يحكي فيها وبنت عائله معروفه بس الحب من الله هو ماحبها كان هذا الموال كل يوم يدور براس لمياء كيف اقدرت تتتعايش مع وضعها الصعب وتحمد ربها الي جاب لها جدها الي مدلعها ومو مخليها تحتاج شي وجلست تبكي وتدعي ربها انو يخلي لها جدها قطع عليها تفكيرها التيليفون وهو يرن
لمياء:الو
حليمه:لمياء عمي سعود وصل ويبي يتعشى معاك وطلب مني اني اسالك اذا تعشيتي
لمياء وصوتها مبحوح من الصياح:لا لا انا تعشيت خلاص قوليله لقيتها نايمه
حليمه:انشالله
وراحت لجد لمياء
سعود:هاه وش قالت؟
حليمه:والله ياعمي هي قالت لي اقول لكانها نايمه بس هي تقول انها متعشيه بس شكلها تصيح
سعود:تبكي ؟
حليمه:ايه طال عمرك
وراح سعود بسرعه لغرفة لمياء وطق الباب وماكان فيه احد يرد لان لمياء مسويه نفسها نايمه دخل الجد الغرفه لقاها نايمه جاء بيغطيها لقى المخده كلها مويه طالع لمياء كانت تبكي بدون صوت
سعود:افا افا بنت انا تبكي وانا موجود
لمياء تحاول تمسك نفها من الصياح وتعدل صوتها:مين قال اني ابكي
سعود:يالمياء ياحبيبتي انت كبرتي وصرتي عروس وانا ماباقي من العمر كثر الي مضى يالمياء انا ربيتك وصرتي حياتي كلها مليتي علي دنيتي انا مااطيق اشوفك متكدره او ضايق صدرك تعرفين ليش؟
لمياء وصوتها مبحوح لان كلام جدها بكاها زياده:لييي(ليه)
سعود وهو دموعه تنزل من خده:لاني انا جبت اعيال وربيتهم وتعبت عليهم ومثل ماانت شايفه الي مايدري وين حتى بيتي والي مسافر حتى مكالمة التيليفون متخسرها فيني امك الوحيده الي كانت دايم تسال عني عاشت مع ابوك 13سنه ماعمرها شكت لي من ابوك او فعايله معاها كانت دايما تحسسني انها مرتاحه لانها كانت تبي راحتي كانت مايمر يوم الا وهي جايتني او متصله تعتذر كانت قايمتبي لازم تتطمن اذا ماجت اني تغديت وافطرت وتعشيت كانت تحسسني انها 24ساعه معاي بس ربي عوضني عنها فيك انت اعيوني الي اشوف فيها دنيتي انا ماابي اشوفك متظايقه لانك تذكريني بالغاليه
واجلسوا يبكون لان الجد الي المفروض انو يواسي لمياء يبي من يواسيه هو كان عارف انو بنته قويه ومايبكيها الا نقطة ظعفها وهي اهلها بس الجد كمان كان مره متاثر بوفاة ام لمياء
يتبع في الفقره الثانيه من الجزء الثاني









الفقره الثانيه من الجزء الثاني:
سعود:يالله يا الغاليه اخليت تنامين بعد هالغسيل الي سويته لك اليوم انا اليوم سمعت انو المفروض كل يوم تعمل غسيل اعيون قلت خلاص اصير ابكي اسرع هههههههههه
لمياء وهي الدموع تنزل من اعيونها من غير شعور:هههه
وطلع الجد من غرفة لمياء واستمر يبكي لما نام من التعب ولمياء نفس الشي
----------------------------------
ريم:يمه حرام عليك والله بشترك مالي دخل تخيلي بس يوم رحنا عبد الوهاب سمنت 30قرام ماما مو معقوله كلب مااكل اسمن 30 قرام اجل على 3وجبات باليوم بسمن باليوم الواحد 90قرام يعني باقي 10 قرام واتصير كيلو (مسويه مسائل رياضيات لوووول)
حصه ام ريم:ههههههههه الله يهديك ظحكتيني وانا مالي نفس ياريم يادبا ههه انت مو كل يوم بتروحين تتغدين في مطعم وبعدين انت قلتي انك مشيتي عند لمياء ههههه يعني حرقتيهم
ريم وهي خانقتها العبره:خلاص انا قلت ابشترك في دايت سنتر يعني بشترك لما اصير زيك مااحد راح ينفعني
حصه:ههههه الله يسامحك اقول لا يسمعك احد يصدقون اني دبا ياحبيبتي ترا انا وزني 60وانا جايبه 3(ام ريم اتزوجت صغيره فريم صديقه لها قبل ماتكون بنتها)
----------------------------
نوره:قلتلك لحظه يالله انا كم مره اقول لابوي يشتريلك لاب توب وايفكني
اسيل اخت جنوره عمرها 14سنه:يااختي انا وش دخلني جيبي بس عندنا بحث تفسير واجب نوره بلا بياخه
نوره:روحي هناك لو تموتين عاد احبكت تحلين واجباتك من متى مااتذكرك فتحتي الشنطه مو لازم هذا الواجب لا تحلينه
اسيل:افففففففففف ليته بس لمياء صديقتك اختي مو انت وع
نوره:طيب يااخت لمياء ممكن تفارقين؟
واطلعت اسيل من الغرفه وهي فاقده الامل لان اختها مستحيل تتنازل عن شيين هم الاكل والاب توب عيشتنا تنام تقول تروح المدرسه تجي تنام تدخل نهت تنام تقول تروح المدرسه.................
----------------------------
اريج ام جواهر
اريج:جواهر جواهر حبيبتي الساعه 7بالليل صار لك 15ساعه نايمه
اريج:جواهر يلا اقول(واتكب عليها مويه)
اريج:(تبخ عليها عطر)
بس لا حياة لمن تنادي
اريج اسحبت بنتها من السرير فجاه طاحت اريج بكل برود يووووووووووووه مغمى عليها ياسلطان(اخو جواهر)جيب لي عطر او اي شي
المهم هذي حالة جواهر كل يوم ماتاكل يغمى عليها اهلها متغعودين عالوضع
------------------------------
نوف طبعا في العليا تدور ماعندها شغله ولا مشغله امها تشتغل في جده و امها مطلقه من ابوها امها مو كل ايام الاسبوع تروح جده بس ويك اند لان عملها يحكم عليها هذا الوضع فنوف لا حسيب ولا رقيب بس كانت بنت عاقله لان لو غيرها استغل الفرصه وخرب او كانت روحتها للعليا بغرض اخر ولكن هي كانت بس تتمشى من سوق لسوق





يتبع في الفقره الثالثه








الفقره الثالثه من الجزء الثاني:
بعد 4ايام
نوف:لمياء ايش راح تلبسين؟
لمياء:مااعرف محتاره عندي لبسين بلبس واحد او اني بشتري
نوف:جواهر وانت؟
جواهر:بلبس لبسي الي اشتريته بالصيف الكحلي عرفتوه؟
لمياء:ايه مره حلو كنت ناويه اقولك البسيه
نوف:وشو ماعرفته
جواهر:البلوزه الكحلي الي عليها ذهبي والجينز الي فيه ذهبي
نوف:اها تذكرته
لمياء:والاخت نوف ايش راح تلبس؟
نوف:مااعرف بشتري
لمياء:طيب ليه مااشتريتي ترا باقي يومين عالدي جي؟
نوف:مالقيت مافيه مكان مارحت له
لمياء:شوفي انا يوم اروح قبل اسبوعين لجده كان في رباعيات اشياء مره حلوه وصي امك
نوف:شكلي مالي غير ذالحل
لمياء:بنات تراني مره طفشانه وش رايك نروح نتقهوى؟
جواهر:اتصدقين والله اني مشتهيه كافي تايم
لمياء:تبون نطلب؟
نوف:طيب ولما نطلب وين نروح؟
لمياء:ماادري نكلم نوره وريم ونشوف ايش يقولون
نوف:طيب كلمي سواقك خليه يجي انا سواقنا منتفخ ذي الايام مضرب
لمياء:والله انك معطيته وجه ماعنده غير انو يوديك وايجيبك امك ماتجي الا ايام الاسبوع وماتطلع الا لضروره
نوف:لا يااختي حرام عليك انا باليوم عندي مليون مشوار
لمياء:خلاص طيب بدق على سواقي
ودقت لمياء وجاء وهم بالسياره
لمياء:اهلين نوري ماراح تطلعين اليوم؟
نوره:انتو؟
لمياء:احنا بالسياره بناخذ كفي وبنروح مكان
نوره:طيب وين بتروحون؟
لمياء:مااعرف انتو وين تبون تروحون؟
نوره:شوفي انا صاحباتي اليوم بيروحون لمملكه المراه تروحون؟
لمياء:لا وع يختي كلها بزارين
نوره:وش نسوي علشان نفتش وهم يبون يروحون هناك امشي لا تمرون نروح نتقهوى هناك
لمياء:اوك
ودقت لمياء على ريم وقالت لها
لمياء:عبد الله ارجع البيت
جواهر:اقول صاحيه انت وين يرجع البيت
لمياء:بيروحون للمملكه وانا شكلي تحفه وعبايتي بروح اغير شنطتي وجزمتي وعبايتي
نوف:ياسلام واحنا بتخلينا كذا؟
لمياء:اذا عالجزم اعطيكم بس عبايات مو قدكم وشنطي معروفه كل الناس بيدرون انها حقتي
نوف:لا انا شنطتي زينه بس ابي عبايه
جواهر:ياشيخه كيفهم تراهم كلهم تلقينهم مراهقات
وراحت لمياء وتزينت وصارت تجنن مره كان شكلها حلو اصلا هي بدون شي مغطيه على صاحباتي كيف لما تصلحت صارت ماتفرقون بينها وبين القمر
وراحوا البنات ودقت لمياء على نوره وقالت لها نوره انهم بستار بكس
كانت لمياء مره مستحيه من الي مع نوره
لمياء:هلا
:اهلين كيفك؟
نوره:هديل اعرفك هذي لمياء ال.......
هديل:والف نعم
نوره كانت تقول انها معاها صاحباتي بس ماجااء منهم الا وحده وطول ماهم جالسين وهديل صاحبة نوره ماشالت عيونها من لمياء وبس تسالها
لمياء وهي بتموت من الحياء:لا انا وحيدة امي
نوف:يلا بنات انا بروح فرسه سعيده ياهديل
هديل:وانا اسعد
(مع انو مادار اي حوار بين هديل والبنات بس كانت تحكي مع لمياء)
لمياء:نوف وين رايحه؟بدري
نوف:تعبت وودي اروح اريح
جواهر:استنيني بروح معاك
ريم:وانا امي كل شوي تدق علي تاخرت بروح معاكم
(البنات كانوا ميتين من الطفش فكانوا كلهم يبون يروحون مو علشان شي بس طفشوا)
وجلست لمياء هي ونوره وهديل
هديل عمرها 23يعني مو قدهم ولا جت لهم بس كانت نوره ترقعها انها قريبتها وصاحبتها
كانت هديل مره كشخه ومملوحه ولسانها حلو وكانت بنت عايله معروفه وكان ابوها
غني وكان هذا الشي مبين عليها مره
لمياء:بنات ماودكم بنطلع كاننا تاخرنا؟
وهذي الكلمه خلت هديل تعجب اكثر بلمياء
نوره:الا والله انا بطلع
لمياء:انا بروح البيت اخاف جدي يكون بالبيت لحاله
نوره كانت حاكيه لهديل كل شي عن لمياء بس هي كانت تسالبس من باب انو يكون بينهم حوار
راحت لمياء البيت واول ماوصلت دقت نوره عليها:وشذا الحلا والله ماعرفتك
لمياء:ههه وش قصدك اني شينه باقي الايام
نوره:لا بس مره فرقتي مع التزين كانك عارفه انك في اختبار ههه
لمياء مافهمت كلام نوره بس مشتها وجلست طول الليل تسكر من هذي وتدق عليها الثانيه باقي البنات كانوا يقولون انهم ملو وماطلعوا من المملكه بس نزلوا تحت يتسوقون



ايش قصة هديل وايش راح يصير نعرفه بالفقره الجايه








الفقره الرابعه من الجزء الثاني:
لمياء:صباح الخير يااحلى ابو في الدنيا كلها
سعود:هلا ببنيتي يلا تعالي افطري علشان تروحين لمدرستك
لمياء:تسلم ياتاج راسي متاخره بروح
سعود:ربي يحرسك
ركبت لمياء السياره قرت اذكار الصباح وجلست تفكر بهديل الي كانت لمياء تشك انها عندها شي هالبنات والله شكلها مو100%بنت اشك فيها استغفرت لمياء ربها وتعوذت من الشيطان لان من طبيعه لمياء ماتحب تظب باحد شي شين او انها تحكي في احد بس نوره مستحيل تصادق وحده كذا بس هي كانت تقول انها قريبتها جلست لمياء تفكر لما وصلت للمدرسه
لمياء:حليمه شوةفي لما تجين تاخذيني جيبي موبايلي معاك اوك
حليمه:انشالله
دخلت لمياء المدرسه طبعا بس توزع ابتسامات وتصبح على هاذي وتسلم على هاذي لمياء كانت مشهوره بالمدرسه بجمالها واخلاقها كانت اجتماعيه حتى بنات الابتدائي صديقاتها كانت متواضعه لابعد درجه
ادخلت لمياء الفصل
استاذه النحو:صباح الخيرات لمياء لسا فايقه حبيبتي ليش ماكملتيها نوميه مو احسن لك؟
لمياء تبتسم:معليه استاذه هالمره سماح لانك مشتاقتلي من زمان ماحضرت ههه
الاستاذه:من شان جمال هالعيون اتفضلي حبيبتي
لمياء استحت لان كل الابلات مايقدرون يرفضون لها طلب كانت تحرجهم بكلامها الحلو
الحصه الرابعه طالعت لمياء جواهر ويدور ببال لمياء(وش فيها جواهر من انحفت وانا اشوف بعيونها نظره حزن دايما مكتابه مو قادره افهمها نحفها المفاجئ اكيد بسبب مستحيل بس كذا جواهر الي كانت فرفوشه حتى الحين حتى لو تضحك تحسونها غصب عنها تحسونها شوي وتبكي ,جلست لمياء تفكر كيف تسال جواهر عن اللي فيها مستحيل تخلي صديقتها كذا)عدا الدوام دقيقه دقيقه تحسبها كانت فيه افكار كثيره تدور ببالها دي جايهم وكيف راح يكون وهديل الي مو قادره تفهم قصتها وجواهر وحالتها الاخيره



جواهر مانحفت الا صار لها تقريبا سنه كان جسمها طبيعي هي الحين تقول انها عاجبها شكلها وماتشتهي بس هي اكيد عندها سبب مقنع


رجعت لمياء البيت وهي بتموت من التعب نامت وقامت تقريبا عالساعه 6 نزلت اتغدرت ودرست لان كان عليها اختبار فيزياء(مع العلم انو لمياء و نوره وجواهر كانوا داخلين علمي اما ريم و نوف ادبي)





يمكن استغربتوا وين دور غاده الي اول بالتعريف قلت لكم انها صديقة لمياء مره مع القصه بتعرفون ايش قصة غاده




دقت لمياء على نوره لقت معاها وايتنق(انتظار)لمياء(وش قصتها ذي نوره صايره كل ماادق عليها معاها ويتنق ولما نشوفها 24ساعه يدق جوالها وترتبك والله هذي البنت قصتها قصه)



ايش قصه نوره وجواهر نعرف بالفقرات القادمه












الفقره الخامسه من الجزء التاني:
يوم الاربعاء طبعا كانوا البنات كلهم غايبين من المدرسه ومجتمعين ببيت لمياء من الساعه 10الصبح
نوف:جواهر حملتي الاغنيه الي قلتلك عنها؟
جواهر:ايه مره تخقق
نوف:حسيتها بتعجبك انت تحبين الاغاني الحزينه
جواهر:ههههههه اجل تبيني اسمع هي خاربه خاربه؟
نوف:هذي الاغاني الي توسع الصدر
لمياء:بنات ايش تبون نفطر؟
ريم:احنا كل مانجي عندك بس شغلتنا ناكل
نوف:ايه لمياء مشالله حاتم الطائي في زمنا
البنات كلهم:ههههههههههه
لمياء:اجل مافيه فطور مو لازم خففوا اخاف بكرا ملابسكم ماتقد لكم
نوره:لا تكفين مشتهيه واتر ليمون
لمياء:ايوه ايوه تتشرط بعد عمتي لا ياحبيبتي انا سواقي مايروح التحليه لحاله اخاف عليه
البنات:ههههههه
لمياء:تبون نروح؟
جواهر+نوف:كيفكم
لمياء:يلا خل نوسع صدورنا
راحوا البنات وافطروا وارجعوا البيت طبعا سعود من الساعه8وهو ماسك طريق القصيم لان مخيمهم هناك وماراح يرجع الا يوم الجمعه
الساعه 4العصر
هديل:ماادري احسها صغيره
ام خالد:انا احسها هي الزينه بنت ناس وعلى ماتقولين لسانها زين ونوره تمدح اخلاقها والبنت مزيونه بينها وبين اخوك8اسنين زينه
خالد:يه تبيني اربيها بنت بثاني ثنوي تبينها تتزوج
ام خالد:ايه وراها تتزوج لادخلت الجامعه وتنخطب الحين كل البنات كذا
هديل:لا الحين راجعه موظة الزواج المبكر
خالد:كيفكم اخطبوها بس هذا وجهي اذا وافقوا
وطلع خالد من البيت وجلست ام خالد وهديل يتناقشون بالبنت الي يبون يطلبون يدها لخالد
خالد صار له سنتين متخرج من الجامعه وسيم مره ولد عايله مره معروفه ابوه له معارض سيارات في الرياض وجده وهو ماسك الي بالرياض واخوه الي اكبر الي بجده
وعنده بيوت في جنيف و ميلانو ياجرهم يعني كانت حالتهم الماديه ممتازه





بعد ما جلسوا البنات يختارون اماكن الاضاءه والسماعات علشان الدي جاي ومكان المشروبات والاكل والكراسي كيف تكون صفتها
لمياء:جوجو تعالي بحاكيك بغرفتي شوي
جواهر:يمه وش عندك روعتيني؟
لمياء:لا لاترتاعين ماراح اكلك
لمياء:بنات ماودكم تقيسون ملابسكم تورونا اشكالكم لبكرا؟
(البنات جايبين ملابسهم لانهم بينامون عند لمياء لما يوم الجمعه لانها ماعندها احد بالبيت)
البنات:اوكي
لمياء:طيب انا وجوجو عندنا موضوع بنجلس بغرفتي وانتو خذوا راحتكم
راحت لمياء لغرفتها هي وجواهر وقفلت الباب لمياء
جواهر:هههه يالله قولي وش عندك
لمياء:جواهر انا اترددت كثير على اني احاكيك بس ياجواهر وربي انكم اكثر من اخواتي ولا ابي اشوف وحده مضايقتها غزة ابره
جواهر:ايش القصه مين الي متظايق؟
لمياء:جواهر احنا مع بعض من 7سنوات ومانخبي عن بعض شي ياجواهر انت عاجبك وضعك كذا؟
جواهر:ايش فيه؟
لمياء:جواهر انت عندك شي من السنه الي فاتت ترا كلنا حاسين فيك وفاهمينك بس ولا وحده مسترجيه تحاكيك
جواهر وهي تخفي دمعتها:لمياء مافهمت وضحي
لمياء:جواهر مين الي مضايقك ؟ صايرتلك مشكله؟
جواهر ونزلت الدمعه من عينها:لمياء انت تعرفين كل شي
لمياء:ايش الي اعرفه؟
جواهر:لمياء انا تعبانه تعبانه يالمياء(جواهر تبكي)
لمياء وهي تقترب من جواهر:جواهر احكي ايش الي متعبك
جواهر:لمياء انا مو قادره اعيش في هالدنيا انا اضعف من اني اكون فيها انا مااقدر عليها
لمياء:يوه ياجواهر استغفري ربك ايش الي جاك؟
جواهر:لمياء توعديني انو الكلام مايطلع بكرا شلتنا؟
لمياء:انت مره قلتيلي شي وانا قلته لاحد؟
جواهر:لمياء انت تعرفين قصة وليد لمياء تشوفين موبايل نوره الي مايسكت تشوفين مكالمات نوره الي ماتنتهي البنات الي قاعدين يقولونه صح بس الي تعرفه نوره موولد عادي وليد يالمياء وليد(جواهر مو قادره تتكلم من كثر الصياح انهارت جواهر كانها تنتظر احد يسمع لها ولمياء تفهم كلامها بصعوبه لان صوت الصياح كان اقوى من الكلام)
لمياء وهي مصدومه مو قادره تتكلم:معقوله نوره تسويها بس نوره تعرف القصه اكيد هي ماتعرف انو هذا هو وليد الي انت تقصدينه
جواهر:لا يالمياء هي تعرف هي مره جتني البيت وكانت فيه خالتي و ووليد انا وريتها اياه من فوق هم كانوا بالصاله تحت كان جاي وليد يسلم على امي هي شافته هي تعرف يالمياء
لمياء:طيب هي من وين تعرفت عليه؟
جواهر:هذا الي مجنني يالمياء هي تعرف اني فاهمتها وعارفه انها تكلمه وعادي تحط عينها بعيني وماكانها سوت شي يالمياء لمياء انا علشان كذا هذي الفتره مااخليها تشم الهوا بدون وحده مننا عارفه انها تستنى الفرصه علشان تشوفه واحنا مقيدينها ماتقدر تشوفه واحنا معاها يالمياء هو اكيد مايعرف انها صديقتي لمياء انا مصدومه مصدومه يالمياء مو قادره اشوف وجهها احس اني بذبحها يالمياء لمياء اكرها من قلبي يالمياء اكرها
لمياء مصدومه مو قادره تتكلم قطع عليهم كلامهم صوت الباب وهو يندق
لمياء:مين؟
نوف:انا لمو معليه ادخل؟؟
لمياء:جوجو روحي ادخلي غرفة الملابيس وغسلي وجهك واحنا نكمل الموضوع بعدين واتركي نوره علي
لمياء:نوف ادخلي
ادخلت نوف وكانت جواهر بالحمام
نوف وهي تطالع لمياء وتاشر لها بيدها انو ايش الي صاير؟
لمياء:ولا شي بعدين بتفهمون كل شي
وانزلوا البنات وكملوا السهره مع بعض وكانت لمياء مو قادره تكلم نوره مو مصدقه انو صديقتها تكون حقيره الى هذي الدرجه قلوا عيال الرياض مالقت الا الوليد وكانت تراقب نظرات جواهر وكلامها مع نوره وتقول في نفسها(مشالله عليها جواهر قادره تتحمل نوره مشالله عليها متماسكه نفسها )
الوليد ولد خالة جواهر ومن كانوا ب4ابتدائي وهم يحبون بعض بس حب اطفال كانوا متربين مع بعض بس يوم كبروا تحول حب الاخوه الى حب حقيقي كان الوليد يبادر جواهر بنفس الحب بس هل الى الان يحبها؟او جواهر بتقدر تسامحه؟الذنب ذمب مين ولمياء كيف راح تتصرف نعرف بالجزء الجاي

[ساره بنت أبوها]

اتمنى منك عرض الاجزاء بأسرع وقت ممكن

ولي عوده

تحيتي

[ابو عقرباوي]

broken girl
thanks alot

[broken girl]

الفقره الاولى من الجزء الثالث:
هديل:نوره حددي انت وش تحسين انو المفروض نكلمه؟
نوره:ماادري اصلا هي بحياتها ماشافت زوجة ابوها ولا تطيقها و خالات وعماتها انا مااعرفهم
هديل:افففف والله مشكله يصلح نكلمها هي؟
نوره:هههههه صاحيه انت والله لمياء وانا اعرفها اول ماتقولون لها الموضوع بتصيح او بتذوب
هديل:ههههه
نوف:مين الي بتذوب؟
نوره:بسم الله الناس يطقون الباب يسوون شي مو كذا تطبين علي
نوف:مشكلتي اني ملقوفه
نوره:هههههه كويس انك معترفه
نوف:اقول تراك راقعه الي عالموبايل لا يكثر ولمياء تقول لك انزلي خلينا نفطر ونسوي لنا شغله مفيده
نوره:دقايق وجايه
نوره:سوري هديل معاك
هديل:طيب تحسين الموضوع عادي لو يكون من الاول رجال؟
نوره:ايه مره عادي
هديل:اجل خلاص ابوي وخالد بيروحون له
نوره:الله يوفقكم
هديل:امين باي
نوره:باي
سكرت نوره الخط وعلى طول رن موبايلها كان الوليد
الوليد:اوريك يالدبا ساعه وايتنق اعترفي مين تكلمين؟
نوره:والله هديل
وليد:اكيد؟
نوره:ماتبي تصدق مولازم
وليد:كيف مااصدقك وانت البنت الي اخترتها من بيت كل هالبنات
نوره واستحت:اقول وليد بتجي تغريد اليوم؟
وليد:ايه غصب عنها انا بجرها من شعرها علشان تجي
نوره:يوووو وليد اذا ماودها تجي مولازم انت ليه ظاغط عليها
وليد:علشان توصفلي شكل زوجتي بالمستقبل اكيد بتقول لي احلى بنت
نوره وهي بتتقطع من كلام وليد اول مره يقول هالكلمه (زوجتي):اوك باي انا بنزل للبنات
وليد:وتتركين حبيبك؟
نوره وهي مره مستحيه:وليد باي
وليد:طيب نوني خلي بالك على نفسك ترا شاريك
نوره:انشالله يلا عاد باي
وليد:نوره
نوره:عيونها(طلعت منها الكلمه كذا عفويه ماكانت حابه تقولها)
الوليد:عيدي عيدي ايش قلتي
نوره:هلا
وليد:ههه لا هذي موحلوه الي قبلها
نوره:وليد خلاص انشالله كم شهر واقولك الي تبي
وليد:كم شهر وش يصبرني
ريم:نوره
نوره وهي مرتبكه:هلا
ريم:انزلي يلا بسرعه ترا نستناك
نوره:جايه وراك
نوره:وليد انت دايما كذا تفشلني قدام البنات ماتدق الا باوقات غلط
وليد:انشالله بعد 3شهور ماتقدرين تقولين وقتك غلط لان وقتك كله ملكي
نوره:لا فيه وقت لمعدتي هههه
وليد:هذا الوقت عاد بيكون لي بس انا بسمح لك تتغذين بس علشان ماافقدك والا اكل كثير ماعندي ميزانيتي محدوده هههه
نوره:يلا عاد وليد باي
وليد:بشتاقلك
نوره:باي
نزلت ريم للبنات
ريم:وش قصتها نوره والله ماهي صاحيه صار لها 2وهي صاحيه تكلم
جواهر الي ارتبكت:يمكن صديقتها الي جت يوم المملكه
نوف:ايه صح انا يوم اطلع لها قبل1ساعه كانت تتكلم مع بنت
ريم:لا انا سمعتها تكلم واحد والله سمعتها باذاني الثنتين بعد اسمه وليد
جواهر كتمت الصيحه بس دموعها بعيونها لو ترمش طاحت لمياء ماقدرت تتحمل ورقت فوق لنوره الي كانت تسكر باب الغرفه بتنزل
لمياء:نوره ادخلي بكلمك
ادخلوا البنات
لمياء:نوره كم صار لا واحنا صاحبات ؟
نوره:7سنوات ليه؟
لمياء:انا مره خبيت عنكم شي او وحده من البنات خبت؟
نوره:والله مااعرف بس مااظن
لمياء:طيب نوره ليش تغصبينا اننا نفقد الثقه فيك
نوره:الله اكبر ليه هالكلام يالمياء؟
لمياء:نوره الصراحه انا كم مره اسمعت تكلمين وعارفه انو مو بنت وساكته ماقلت شي ولا قلت ليه مخبيه او ماقلتيلنا مع اننا ماراح نقول لك شي انت حره بتصرفاتك نوره اليوم ريم وبدون قصد سالتنا عنك ايش الي صاير لك وقالت انها سمعتك تكلمين واحد واسمه كمان وليد
نوره:اوك ماكذبت
لمياء:نوره اذا تبين احترامي فيك يظل زي ماهو او قلب جواهر يصفى عليك اتركي الولد بحاله
نوره:ليه ايش دخل جواهر
لمياء الي تنرفزت من برود نوره صادقه جواهر تعترف وترفع عيونها والله وقحه :لا ياشيخه وش دخل جواهر يانوره انت كانك تسريق واحد من حبيبته انت تعرفين قدر الوليد عند جواهر ليه يانوره قلوا عيال الديره مالقيتي الا وليد
نوره سكتت وطلعت من الغرفه ولا عبرت لمياء الي خلا لمياء تتنرفز وتحلف انها ماتعدي الموضوع بالساهل تسفه بعد هي ووجهها انا اوريك يانوره مااكون انا لمياء بنت فهد
نوف:مابغيتي
نوره:يااختي حريه شخصيه غيرانه شوفي موبايلك بجيبك
نوره بنات نادوا لمياء وجواهر(جواهر كانت بالحمام تصيح لانها اليوم اكتمل شكها اليوم صدقت اول كانت تكذب نفسها بس الحين مو قادره)
راحت ريم تناديهم وجوا كان مبين على جواهر انها ميته صياح وان لمياء واصله معها مو مشتهيه تناظر نوره
نوره وتناظن جواهر وتبتسم قصدها عارفه انك كنتي تبكين:بنات عندي لكم خبر مفرح
لمياء وجواهر ماردوا عليها ولا عطوها اي وجه
ريم:يلا فرحينا
نوره:انا مخطوبه
نوف:كلووووووووووووووووش مبروك والله مبروك
ريم:مين سعيد الحظ
نوره:وليد
لمياء انصدمت كانت بتقوم وتذبح نوره .جواهر قامت تبكي وتركض للغرفه
نوره:جواهر جواهر تعالي ياجواهر افهمي الموضوع
لمياء ووجهها احمر من العصبيه ولو قالت نوره كلمه زياده كانت عطتها كف محترم :اقول هاي انت مااظن بينا تفاهم واسمحيلي من اليوم ورايح لا اعرفك ولا تعرفيني
نوره:يوه لمياء وش قصتكم انتو فيه شي اسمه تفاهم شي اسمه نقاش
لمياء:اقول اسكتي انت الوحيده الي المفروض ماينسمع صوتها فاهمه
نوره:هههههههههههه لمياء حبيبي وليد عبد الله ال.........
لمياء وقفت مكانها ماقدرت تحرك
نوره:هههههه ليه مصنمه انتي كذا
لمياء:قلتيلي ايش اسمه؟
نوره:الوليد عبد الله ال...........
لمياء:هههههههههههههههههههههههههههه الله يقلع بليسكم رفعتي ظغطي حسبي الله على شيطانك
نوره:انت كنتي تحسبينه وليد ال...... ولد خالة جواهر صح؟
لمياء:انت الحقي عالبنت لاتكون سوت بنفسها شي
نوره:والله انكم محششات
نوره:جواهر جواهر (وراحت لها بالغرفه)
نوره:جواهر انا مخطوبه
جواهر وهي تبكي:الله يهنيك
نوره:جواهر انت ماسالتي عن عائلته
جواهر نست تذكرت انها ماعندها ولا دليل على انو هو وليد ولد خالتها
جواهر وبدون نفس:وليد ايش؟
نوره:وليد عبد الله ال............
جواهر قامت من غير شعورها وخمت نوره بقوه وجلست تبكي
نوره:جواهر والله انك مو صاحيه
جواهر:وش يدريني الله ياخذ الشيطان
نوره:امين
يتبع







الفقره الثانيه من الجزء الثالث:
سعود:الو
ابو خالد:ياهلا والله معاي ابو ناصر؟
سعود:ايه مين معاي؟
ابو خالد:انا ابو خالد ال......... جايك في موضوع خاص ودي اقابلك علشان نتقاهم
سعود:خير انشالله اذا موضوع خاص يعني بالبيت
ابو خالد:يكون افضل
سعود:السبت الساعه 7زين؟
اب خالد:انشالله بكون عندك انا وخالد اولدي
سعود:اتشرفنا
طوط طوط طوط
سعود(موضوع خاص من شخص مااعرفه اللله يستر وش عنده لايكون واحد من العيال فيهم شي ننتظر لبكرا ويصير خير)وكمل هو واصدقاءه شويهم



الساعه 4 العصر
لمياء:نوني والله طلعتي منتي بسهله طيب هو شافك قبل الخطبه؟
نوره:لا تغريد اخته هي الي خطبتني
لمياء:الله الله هذا وانت بالمدرسه شكلك يجيب المرض وعجبتيها اجل اليوم بدوخ عليك
نوره:هههههه ماتشوفيني متحمسه ومتزينه
لمياء:الله يوفقك
نوره:امين
نوف:طيب متى الملكه؟
نور:بعد 3شهور بس انا متردده
ريم:ليه؟
نوره:ماادري احس اننا تونا عالزواج انا كم مره اقنعه بس هو موراضي يقول ملكه والزواج متى مابغيتي
نوف:هههههه طيب والملكه وشي زواج بس الفرق الحفله
نوره:انا اقول كذا وبعدين ماينفع اتملك ومااتزوج الا بعد سنه سنتين خير
لمياء:ياشيخه عادي ترا حنا مستعجلين نبي نفرح فيك من زمان مافرحنا من زواج غاده(البنات كلهم حسوا انو لمياء انكتمت وضاق صدرها من تذكرت غاده)
نوف:الا وش اخبارها الدبا من سافرت وهي قاطعه
لمياء:انا اكلمها بين فتره وفتره وهي نفس الشي ماعليها الحمد لله
ريم:ماراح تجي؟
لمياء:لا تعرفين زوجها ماراح يخلص الا بعد سنتين
نوره:ياحياتي طيب هي ليه ماتكمل الثنوي هناك؟
لمياء:تقول انها مو فاضيه
ريم:بس حرام عليها كذا مستقبلها عالاقل بس الثنوي تكون معنا ثانويه عالاقل
لمياء:الله يسهل
البنات:امين
رن الجرس كانت الكوفيره جايه تصلح شعور البنات
جت جواهر تركظ:انا اول وحده
نوف:ايه الحين طلعتي
جواهر:ههههههه
لمياء(سشوار)
نوره(رابطته بونتيل-ربطته يعني-)
جواهر(كيرلي)
نوف(سشوار)
ريم(سشوار)
خلصزا البنات تقريبا عالساعه 7بالليل
لمياء:وش هالزين والحلا كل هذا علشان تغريد لو وليد بكبره جاي وش سويتي؟
نوره:ههههههه يااختي اخاف تهون ومااعجبها



الفقره الثالثه من الجزء الثالث:

عالساعه 9بدوا الناس يكثرون وبدا المكان يحلوا فجاه ارتفع صوت الميك نوره:بنات اسمعوا الاغاني الجايه كلها اهداء مني انا وجوجو ونوف وريم لاغلى البشر جدتنا هههه لمو
نوره+نوف+جواهر+ريم:(فوق هذا الحب احبك وبعد اكثر كثير ياللي تدري ان قربك انا احتاجه كثير يمكن اكثر من غلى روحي لروحي وانت من نساني بالدنيا جروحي نسااااني نفسي وخلاني احبك هو صحيح قدرت لكن ماني عارف وين بوصل بالمحبه)
لمياء مصدومه كل البنات عيونهم على لمياء هي مو عارفه تبكي تفرح شعور مو قادره تحدده مادرت الا وهي تبكي وكل البنات الي موجودات عيونهم عليها ولا احد يرقص
ريم:لا لا لمو لسا ماانتهينا اذا من اول اغنيه بكيتي اجل كيف بنكمل الباقي
ابتسمت لهم لمياء من بين دموعها وارتفع صوت الفنان راشد الماجد
(مذهله ما بس قصه حسن رغم ان الحسن فيها بحد ذاته مشكله ..........................
.....................................طيبها قسوة جفاها روحها حدة ذكاها تملاك بالاسئله مذهله............................................. ..........الخ)
احلام(والله احتاجك انا خلقك بجمبي قريب وان حصل شي بيننا عن حياتي لاتغيب انا من بعدك اتوه وعالمي بعدك يضيع تختلط عندي الوجوه العدو يصبح صديق تدري يالقلب الحنون انت بالنسبه لي ايش وانا بعدك كيف اكون وليه احس وليه اعيش؟ يلي شفت احلامي فيه والتقيت باحلى جنه ادعوا ربي وارتجيه ربي لاتحرمني منه.......................................... الخ)
لمياء مو عارفه ايش تقولهم والا كيف تعبر بسعادتها او كيف تشكرهم
جواهر:لمو احنا ماسمعناك علشان تبكين هذا ربع مغزتك
لمياء وصوتها رايح فيها من البكي:مره شكرا انا مااستاهل كل هذا انا ايش سويت انتو اخواتي ياجواهر اخواتي وترجع تبكي
وتجمعوا عندها البنات وتغير الجو وقاموا يرقصون ويستهبلون مع العلم انو هديل كانت موجوده ومره اعجبت في لمياء والي زاد من اعرفت معزة صديقاتها لها وكيف يحبونها اكيد انها انسانه فضيعه وكان فيه شخص الي نست وجوده نوره تغريد الي كانت طول الليله وهي تراقب نوره الي كانت تتصرف بكل عفويه كان شكلها حلو
الساعه 5الفجر
نوف:بنات والله جوعانه بموت
نوره:كلنا بس احس اني جوعانه بس مو مشتهيه اكل
ريم:حلوه ذي كيف تجي
جواهر:ايه ايه فاهمينك يانوره هههه كلنا كذا
قامت لمياء من غير مايحسون كانوا مشغولين يعلقون على تصرفاتهم اليوم وعلى المعزومين
بعد ربع ساعه
نوف:الا وين لمياء؟
جواهر:ماادري صح وينها
ريم:انا بروح اشوفها وين



وين لمياء نعرف بالفقره الجايه

[وٍسـ المملكه ـيم]

راووووووووووووووعه

ما شاء الله

القصه ولا احلا

مشكوووووره أختي على القصه

انا متشوووق للصقه

الله يعطيك الف عافيه


مـــــع تــحيات أخـــــــ وســ المملكة ــيم ــــــــوكم

[ملكه بلا ممــلكه]

يسااااااااااااااااااااااااااااااااااااتر مره حلوه بس يبيلي اقراها مره ثانيه


شكرا لك


تحيتي للجميع