ثُراتي .... ثُراتي

الصبر لله و الرجا في المولى. ... والعبد ما عنده كلام يقوله

لبارح منامي جاب سمح الطلّــة
تمنيت يومي نوم كلّـه كلّـه
البارح منامي جابك ناديت لكن ما سمعت جوابك
عاتبتني ياللي لذيذ اعتابك وحلفت لو بنموت ما نتخلّـى
وصارحتني بغيبتك واسبابك وفرشتلك حضني رقدت ف ظلّـه
وصحيت ولقيته سراب شرابك عطشان منّـك ما روتني بلّـة

مسج لأحدهم

ماهوش كيف غيابهم ... أنت غيابك شين
هم واجدين احبابهم ... وأنت وحيد العين

ليل وخميس وصيف وسيّارة عروس امزينة عالكيف أسباب لوعتي
أتزيد اللوعة في ليل وخميس وصيف يا دلّوعه
ويكمل الفرح ودخلته وأسبوعه ونا حالتي تصعب على التّوصيف
معزوق فوق افراش في مربوعه تقول ساونة ما خشها تكييف
وعندي مطالب فالحياة مشروعة. بندير فرح لكن ماعرفتش كيف
وعندي القلب من الياسات ناصب نوعة وكانهو سمع طاري عريس ايصيف
عليا ايغمّن وين لربعة ياصاحبي يلتمّن
لين الدموع النازحات ايجمّن وحتى النوم ايصير كيف الضّيف
وهموم يجتاحن القلب ايعمّن ... وتبقى الحياة والعمر كله زيف

مســــــــــــــــ خاص ـــــــــج

بكيت وعارف ما ينجاب ،،، عزيز اللي ع الخاطر غاب

لنظرة مع الحاجب ولون وشاحك .. ضرني وغاصن ف الكنين ارماحك
النظرة مع لجفون ..والبشرة النظيفة مع سواد عيون .. ضرني وتمت حالتي بالهون .. وانتي قاعدة مازال في مطراحك
النظره مع الحاجب ولون وشاحك

أنا والغالي يامحلانا ... متعدل ميزان غلانا

عيونك كي ضرب القناص * اتصوب في العين وفالراس

خلك عاااادي مهما علا شانك جميلك.......... بادي
راهو الدنيا مالها ودادي................ ولا أيهمها كناس لا وزير
تبرم بعد زهوات جاي وغادي.................بعد العلاوي تحدفك فى بير>>>>
خلك عادي

بياع صبر كان لقيت شارى منى ،،
خزين داسة للعاشقين رصيد
ئشديد خادمة بيدى خدمة فنى ،،
دواء للمواجع دايرة تحديد
وسعت له بالى نبيه تعنى ،،
مع طول النوايب كل يوم ايزيد
حطيت فيه مانملك جفاى وحنى ،،
وعزمى الشاوى وعزم كى الحديد
وحطــــيت لــه جودى وزدته منى ،،
ولحقت له بخلى وقصرت ليد
وحطيت له يقينى وزدت بعده ضنى ،،
واخلاصى وغدرى وكل كيد انكيد
وحطيت له همى اللى همى اللى كونى ،،
بياس دالني مانيش ليه نديد
مخلط بلحظة فرح ماخلنى ،،
الايام عشتها فى ضيمهن تنكيد
وضمنته بذكريات ماهمنى ،،
ايذيع صيتهن بين العباد ايشيد
وسمور ليلى ورقدتى متهنى ،،
وحضنا المايل وحضنا السعيد
ونار فرقته مولى الغثيت امثنى ،،
وبرد وسلام الصوب ومواعيد
ودموع يدرفن سالن قريب عمنى ،،
وضحكة مع ساعة الليل هويد
وجروح لاحمات نسيتهن ونسنى ،،
وجروح ينزفن ماشدهن تضميد
واقسام عن غواليا بعيد زونى ،،
واقسام قربن هلى زمان بعيد
واطلال دار تعرفنى وتعرف فنى ،،
ودار ثانية مازلت ليها سيد
وافكار سو لديار الخطا شالنى ،،
وافكار خير زادنى الا تمجيد
ودموع حزن لايام الجفا ردنى ،،
ودموع فرح كى فرحة نهار العيد
وامرار فرقته هلى مشى هاونى ،،
وعسل رفقته منين كان ليا ريد
واوقات حلم فى ساعة النوم ايجنى ،،
ساهلات فى التفسير والتنفيد
واحلام صم فى تفسيرهن قسنى ،،
اسطاوى تفاسير الاحلام تكيد
وكم من وديدة باهية ودنى ،،
ايامى بها منين الزمان وديد
وكم من عزيز الايام فيه رزنى ،،
مشا بشوقته مالقيت بعده ريد
هذين كلهن جمعتهن لاجل انى ،،
اندير صبر فى ارقاق العزوم ايفيد
مش سحر ساحر لاهو خدمة جنى ،،
زبدة تجارب واقعى العنيد