ثُراتي .... ثُراتي

رجحت كفه .. لقيت فيه ميزانه خطا ما وفا .. ساوى الصروف مغير
صارت ميله .. ف ميزان عقله والصروف وكيله
اخطي والخطا في حكمته وتحليله .. يحساب السباع ضباع عقله غفه
فعينه الشينه ف الاوصاف جميله .. والشيب الابيض بالسواد تقفا
نايا مغير ميوح مجرى سيله .. جاء عكس تحليله تخلخل صفه
وجاب جيل ما ظني اقرب من جيله .. سف ملح فقومه وشينك سفه
احتار من مجابهة الصراع دليله .. عليه القمر غاب وفتيله طفا
صارت فرعه .. ساوى الصروف ودار نفس القرعه
ومازاد عن جرعه جرام لجرعه .. مغير كفته مالت ميول الدفه
لقيت الخطا في الحكم سره سرعه .. بين فرز طبع القوقحه م العفه
وبين من يراعي في صياح الدرعا .. وبين من وذانه كيف وذن القفه
هذا سر للي والفوه المرعى .. مفتاح شفرته في جيب شيخ توفا
واللي ف الصراع ايجيد يصعب صرعه .. مجموع قوته ف العقل زايد كفه
واللي صيبته في الصايبه منفرعه .. نواقص اعرافه في اوراق ملفه
وهذاك هو اللي تلقاه كيف القرعه .. انكانهو اكبر صارت لعقله خفه

علي غايبلي ...
حتى وهو عليه ابكاي موجايبلي ...
برود لوعتي نبكي ...
برود لناري ...
ابكاهن علي غايب بعيد انظاري ..
امسوتهات مافيهن حريك اصداري ..
اوهامه اللي مني مشا عقبلي ...
انجيهن انجي نادم ايحوس مداري ...
متمرفق الهن واري عجاج ابقبلي ...
من جاله الا غالي ابقي متواري ...
العين ان تهايا نوعها تنصبلي

مازلنا القول السّمح نشتاقوله ... ومازلنا بعد ينقال له سمّاعه
والقول العطيب أن قِــيل مانصغوله ... حتى والحجايج كيف هاالبضاعه
فيها الّلي تمشي وهي مشيوله ... وفيها الّلي تزطل على البيّاعه
وفيها الّلي حتى بلاَش مي مقبوله ... وفيها الّلي تغري ألهَا تدّاعى
وأهناك قول تقدر تلفظه وأتقوله ... وبطول المدَايد مايصير أضياعه
لايغرّبك قصر الكلام وطوله ... أهناك ميط م الكلمه الّلي نفــّاعه
والبيت كات تمّا فيه رمّة حولَه ... لاينعدل لاتصيرله نردَاعه
وعلى طول عمره ماإيجي للطـّولَه ... الّلي أولاد جيرانه أحذاه جوَاعه
رانا قصير البوع مانحكوله ... كلامنا أنودّوبَه أطوال الباعه
بالك إيجيهم وقت يعتازوله ... حتى أن كان مو شعر وفيه براعه
كلام فى رساله ماشية مرسوله ... لصحَاب العقول وقلتها بقناعه
عندي نصيحه أصغيّره معقوله ... جميع منهو باب الشرّ حلّ أشراعه
راه عمر مايربَح ندَم ميموله ... هاذى الصادقه والصادقة وجّاعه

بكيت وعارف ما ينجاب ،،، عزيز اللي ع الخاطر غاب

النظرة مع الحاجب ولون وشاحك .. ضرني وغاصن ف الكنين ارماحك
النظرة مع لجفون ..والبشرة النظيفة مع سواد عيون .. ضرني وتمت حالتي بالهون .. وانتي قاعدة مازال في مطراحك
النظره مع الحاجب ولون وشاحك....

شورك رحل عقلي وما شاورني
بالله سايره راهو اشتاق اعذرني

بكيت وعارف ما ينجاب ،،، عزيز اللي ع الخاطر غاب

عن الأم
ويا سعد من عنده اميمة جاره -- يفطر ويتردد عقاب نهارهِ

الـشاهــــــي بلا ميــــــعاد مــــــر مضاقــــــه ..
وفرقـــــة أصحــابـــي لــــــوعته حــــــراقه..

ما يذوقك من الحلو كان اصباعك
و ما يمنعك من الضيق كان ذراعك